क्युबा देशात डॉक्टरांपेक्षा टॅक्सी ड्रायव्हर्स जास्त पैसे कमावतात !

क्युबा देश हा फारसा प्रसिद्ध नाही. तरी बहुतेक जणांनी या देशाबद्दल ऐकलं असेल. ज्यांना जागतिक राजकारणाची आवड आहे किंवा इतिहास वाचायला आवडतो त्यांना क्युबा देशाबद्दल नक्कीच माहिती असेल कारण तिथे जन्माला आला होता क्रांतिकारी फिडेल कॅस्ट्रो ! गेल्या महिन्यात २५ नोव्हेंबर रोजी त्यांचा मृत्य झाला आणि पुन्हा एकदा क्युबा देश चर्चेत आला.

या क्युबा देशाबद्दल जाणून घेताना अनेक रोचक गोष्टी समोर येतात. त्यापैकीच एक गोष्ट म्हणजे- क्युबा देशात डॉक्टरांपेक्षा ड्रायव्हर्स जास्त पैसे कमवतात ! पण असे का?

cuba-country-map-marathipizza

स्रोत

१९५९ नंतर क्युबामध्ये झालेल्या समाजवाद्यांच्या क्रांतीनंतर फिडेल कॅस्ट्रोच्या सरकारने सर्व खाजगी व्यवसाय आणि जमिनी सरकारच्या ताब्यात घेतल्या. प्रत्येक हॉटेल, कारखाना, हॉस्पिटल आणि घरे देखील सरकारची मालमत्ता झाली.

त्यामुळे क्युबामधील प्रत्येक माणूस हा सरकारी कर्मचारी म्हणून काम करू लागला. भले त्या माणसाने १० वस्तू विकल्या किंवा २० वस्तू विकल्या तरी त्याला महिन्याला तेवढाचं २० डॉलर पगार मिळायचा.

cuban-people-marathipizza

स्रोत

हळूहळू सरकारला या पद्धतीचा तोटा जाणवू लागला आणि ही परिस्थिती १९९० नंतर बदलली. १९९० पासून क्युबा सरकारने खाजगी परवाने ( private licenses) देण्यास सुरुवात केली.

फिडेल कॅस्ट्रो नंतर त्याच्या भावाने जेव्हा देशाचा कारभार हाती घेतला तेव्हा खाजगी क्षेत्राला मोठी चालना मिळाली. क्युबामधील टॅक्सी ड्रायव्हर्सना देखील खाजगी परवाने देण्यात आले होते. त्यामुळे ते जेवढ काम करतील तेवढा पैसा त्यांना मिळतो. डॉक्टरांना मात्र सरकारी परवाने देण्यात आलेले नाहीत, त्यामुळे ते स्वत:चे खाजगी क्लिनिक उघडू शकत नाहीत. त्यांना सरकारी कर्मचारी म्हणूनच काम करावे लागते आणि त्याबदल्यात त्यांना महिन्याला ठराविक पगार मिळतो.

cuba-doctors-marathipizza

स्रोत

याउलट टॅक्सी ड्रायव्हर्सकडे मात्र खाजगी परवाने असल्याने त्यांना जेवढी कमाई होते तेवढी कमाई स्वत:कडे ठेवण्याचा अधिकार आहे. तसेच ते आपल्या मर्जीने कितीही भाडे आकारू शकतात, भाडे मर्यादेवर क्युबा सरकारने कोणतेही बंधन घातलेले नाही. त्यामुळेच क्युबामधील टॅक्सी ड्रायव्हर्स डॉक्टर आणि इंजिनियरपेक्षा देखील अधिक पैसे कमावतात. त्यांची दिवसाची कमाई ४० ते ६० डॉलर्सच्या आसपास असते. म्हणजेच भारतीय रुपयांमध्ये जवळपास २५००-३५०० रुपये ! म्हणजे जी रक्कम क्युबा मधील टॅक्सी ड्रायव्हर्स दिवसाला कमावतात तेवढी रक्कम क्युबा मधील डॉक्टरर्स आणि इंजिनियर्सना दर महिन्याला मिळते.

cuba-taxi-drivers-mrathipizza

स्रोत

क्युबा देशा अजब तुझे सरकार !

आमचे इतर लेख वाचण्यासाठी क्लिक करा: MarathiPizza.com.

Copyright (c) 2016 मराठी pizza. All rights reserved.

Leave a Reply

Your email address will not be published. Required fields are marked *